პროკურატურას ირაკლი სესიაშვილის საჩივრის შესწავლაც მოუწევს. შვილისთვის წაყენებული ბრალდების გამო, პარლამენტის თავდაცვის კომიტეტის თავმჯდომარე ნაციონალური მოძრაობის წევრს ცრუ დასმენაში ადანაშაულებს.

საქმე ეხება კოტე იოსელიანის განცხადებას, რომლის მიხედვით, სუს-ში დასაქმებული დავით სესიაშვილი სისხლის სამართლის საქმეში ფიგურირებს, გამოძიება კი შეწყვეტილია.

როგორც ქართული ოცნების დეპუტატი განმარტავს, ორი წლის წინ მომხდარი ქურდობის საქმეში მისი შვილის ანაბეჭდები მართლაც არსებობს, თუმცა მხოლოდ იმიტომ, რომ ის გაქურდული მანქანის მფლობელის მეგობარია.