საქართველოს მორაგბეთა 20 წლამდე ნაკრები მსოფლიოს 2017 წლის თასის გათამაშებამდე ბოლო საკონტროლო მატჩებს სამხრეთ აფრიკული ვესტერნ პროვინსის აკადემიის გუნდთან გამართავს.

უმცროსი ბორჯღალოსნების მეტოქე თბილისში დღეს ჩამოვიდა. საქართველოსა და სამხრეთ აფრიკის გუნდები ერთმანეთში სამ მატჩს ჩაატარებენ, რომელიც შევარდენის ბაზაზე 29 აპრილს, 3 და 6 მაისს გაიმართება.

აღნიშნული შეხვედრების შემდეგ, ილია მაისურაძის გუნდი მსოფლიოს თასისთვის უკვე ბოლო მოსამზადებელ ეტაპზე გადავა.

31 მაისიდან საქართველო 20 წლამდე მორაგბეთა შორის მსოფლიოს ჩემპიონატს უმასპინძლებს.