კარაკასში საპროტესტო აქციები გრძელდება. პრეზიდენტის გადაწყვეტილებით, რომელსაც ოპოზიცია დიქტატორად მოიხსენიებს, ვენესუელამ ამერიკულ სახელმწიფოთა გაერთიანება უნდა დატოვოს.

ვაშინგტონში გამართულ მინისტერიალზე, ლათინური ამერიკის ქვეყნების პირველი დიპლომატები ნიკოლას მადუროს გადაწყვეტილების გამო, ქვეყნისთვის სავალალო შედეგებზე საუბრობენ.

ოპოზიციის ლიდერების ნაწილი დაპატიმრებულია, ქვეყანაში მწვავე ეკონომიკური კრიზისი მძვინვარებს. კარაკასში ასიათასობით ადამიანი პრეზიდენტის გადადგომას ითხოვს.