გერმანიაში ბურქისა და ნიქაბის ტარება ნაწილობრივ იკრძალება – კანონპროექტი პარლამენტის ქვედა პალატამ მიიღო. აკრძალვა საჯარო სამსახურში დასაქმებულ ადამიანებს და სამხედროებს შეეხებათ, წერს The Independent.
ბურქა და ნიქაბი – მუსლიმურ ქვეყნებში ტრადიციული ქალის სამოსია, რომელიც სრულად ფარავს სახესა და სხეულს, თვალების გარდა.
ქვეყნის შინაგან საქმეთა მინისტრის, ტომას დე მეზიერის განცხადებით, გერმანიამ მკაფიოდ უნდა დააფიქსიროს და გაავრცელოს საკუთარი ღირებულებები, მიღებული კანონპროექტი კი სწორედ ამ მიმართულებით გადადგმული ნაბიჯია.
ბურქის და ნიქაბის ნაწილობრივ აკრძალვის ინიციატივით ერთი წლის წინ გერმანიის კანცლერი გამოვიდა. ანგელა მერკელს ქვეყნის შინაგან საქმეთა მინისტრმაც დაუჭჲრა მხარი, რომელიც თვლის, რომ გერმანულ საზოგადოებაში სახის გამოჩენა აუცილებელია.