შინაგან საქმეთა სამინისტრომ "აუდიტორია 115-ის" გარკვეული წევრების მიერ გამოცდების გადატანისთვის ყალბი ცნობების შესაძლო დამზადებასთან დაკავშირებით გამოძიება დაიწყო.

გამოძიება სისხლის სამართლის კოდექსის 362-ე მუხლით მიმდინარეობს, რაც ყალბი დოკუმენტის, ბეჭდის, შტამპის ან ბლანკის დამზადებას, გასაღებას ან გამოყენებას გულისხმობს.

"აუდიტორია 115-ის" წარმომადგენელი ფაქტს ყალბი ცნობების შესაძლო დამზადების შესახებ არ ადასტურებს. მისი თქმით, აღნიშნული უკავშირდება "პალიტრა მედიას", "საქართველოს ბანკსა" და განათლების მინისტრის მიერ შურისძიებას, რომლებსაც "აუდიტორია 115" რამდენიმე თვეა უპირისპირდება.

საქმესთან დაკავშირებით სამართალდამცავმა უწყებამ "აუდიტორია 115-ის" ერთი წევრი უკვე გამოკითხა