ეროვნულ ბანკში ლარში დენომინირებული ევროობლიგაციების მნიშვნელობაზე ისაუბრეს. პრესკონფერენცია ეროვნული ბანკის პრეზიდენტმა და EBRD-ის წარმომადგენელმა ბრუნო ბალვანერამ გამართეს.

კობა გვენეტაძის განცხადებით, ევროობლიგაციების გამოშვება ხელს შეუწყობს საქართველოში კაპიტალის ბაზრის განვითარებას. ბრუნო ბალვანერას თქმით კი, ფასიანი ქაღალდების განთავსება ლონდონის საფონდო ბირჟაზე, მნიშვნელოვანია ქვეყნის ცნობადობის ასამაღლებლად.

აღსანიშნავია, რომ ლარი მე-10 ვალუტაა, რომელშიც EBRD ობლიგაციებს უშვებს. 120 მილიონი ლარის ევროობლიგაციების ვადიანობა 5 წელია.