საქართველოს გაერთიანებულმა პროფკავშირებმა სამუშაო ადგილებზე გარდაცვლილთა და დაშავებულთა საერთაშორისო დღესთან დაკავშირებით მთავრობის კანცელარიასთან აქცია გამართა, სადაც აქციის მონაწილეებმა კანოდებლობის გადახედვა და დახვეწა მოითხოვეს. მათი თქმით, უბედურ შემთხვევათა რაოდენობა მზარდია.

„ბოლო ერთი კვირის განმავლობაში 3 ადამიანი გარდაიცვალა. სამწუხაროდ, რისკები მაღალია. მიზეზი ის გახლავთ, რომ ქვეყანაში არ არის ქმედითი შრომითი ინსპექცია. უნდა მოხდეს ამის გამოსწორება და მდორე სტანდარტების გაუმჯობესება", - განაცხადა საქართველოს გაერთიანებული პროფკავშირების თავმჯდომარემ ირაკლი პეტრიაშვილმა.

პროფკავშირების ინფორმაციით, 2007-2016 წლებში პროფკავშირებისა და შინაგან საქმეთა სამინსიტროს მონაცემებით, საწარმოო ტრავმებისგან 416 ადამიანი დაიღუპა და 716 დაშავდა.

2016 წლის მონაცემებით, 58 ადამიანი დაიღუპა და 84 მძიმედ დაშავდა. 2017 წელს კი 11 ადამიანი გარდაიცვალა.