თბილისში საქართველო-მოლდოვას ეკონომიკური თანამშრომლობის ერთობლივი მთავრობათაშორისი კომისიის პირველი სხდომა გაიმართა.
სხდომის ფარგლებში მხარეებმა ეკონომიკური თანამშრომლობის ძირითადი მიმართულებები განიხილეს. მათ შორის, ორ ქვეყანას შორის არსებული სავაჭრო-ეონომიკური მდგომარეობა და საექსპორტო შესაძლებლობები.
სხდომაზე ასევე განხილული იყო ორმხრივი თანამშრომლობის გაღრმავების საკითხები ისეთ სფეროებში, როგორიცაა ტრანსპორტი, ტურიზმი, ენერგეტიკის სექტორი, გარემოს დაცვა, კულტურა და განათლება.
საქართველოს მთავრობასა და მოლდოვას რესპუბლიკის მთავრობას შორის ტურიზმის სფეროში თანამშრომლობის შესახებ შეთანხმებასაც მოეწერა ხელი.
კომისიის სხდომას საქართველოს მხრიდან ეკონომიკის მინისტრი გიორგი გახარია, ხოლო მოლდოვას რესპუბლიკის მხრიდან, რეგიონული განვითარებისა და მშენებლობის მინისტრი ვასილე ბიტკა უძღვებოდნენ.
სხდომაში მონაწილეობას ასევე ორივე ქვეყნის სხვადასხვა უწყებების წარმომადგენლები და ექსპერტები იღებდნენ.