#იბერია #ტელევიზია

➲ [აღწერა] ქედას რაიონის სოფელ კოკოტაურის მოსახლეობას, წინაპრების საფლავებზე მისვლისას, ადგილზე ელექტრო სადენები ხვდებათ. ანძების ადგილზე რამდენიმე ათეული საფლავი და საფლავების მიმანიშნებელი ქვები მოჩანს. სოფლის მოსახლეობა ანძის აშენებას აპროტესტებს. მათ მიაჩნიათ, რომ ანძის რამდენიმე მეტრით გადანაცვლება სავსებით შესაძლებელია.

კომპანიის წარმომადგენლები მოსახლეობას მიცვალებულების სხვა ადგილას გადასვენებას სთავაზობენ, რაზეც მოსახლეობა კატეგორიულ უარზეა.

სოფლის მოსახლეობის აზრით, კომპანია პროექტის შეცვლის ხარჯებს გაურბის. საქართველოს სახელმწიფო ელექტროსისტემის წარმომადგენლის ინფორმაციით ეს საკითხი შეისწავლეს, მაგრამ საფლავების გადატანის გარდა გამოსავალი არ არსებობს.

მოსახლეობასთან ქედას მუნიციპალიტეტის გამგებელიც მივიდა, რომელიც ირწმუნება, რომ ამ საკითხზე შემსრულებელი კომპანია „კესის“ წარმომადგენლებთან მუშაობდა და ადგილის გადანაცვლება ფიზიკურად შეუძლებელია.

მიუხედავად მოსახლეობის 2 დღიანი პროტესტისა, ახალციხე-ბათუმი-თურქეთის ელექტრო სადენების პროექტი განხორციელება არ შეჩერებულა, ანძის გამო რომელიც პირდაპირ კოკოტაურის მცხოვრებლების წინაპრების საფლავებზე დგას კომპანიასა და მოსახლეობას შორის შეთანხმება ამ დრომდე ვერ შედგა.