დავა ერთ-ერთი მთავარი საკონსტიტუციო ცვლილების გარშემო კიდევ უფრო მწვავდება. პარლამენტის თავმჯდომარე პრეზიდენტს და მისი ადმინისტრაციის უფროსს პარლამენტის საწინააღმდეგო კამპანიის დაგეგმვაში ადანაშაულებს.

ამ ფონზე მმართველი გუნდი არ გამორიცხავს, რომ კომპრომისზე აღარ წავიდეს და პრეზიდენტის არჩევის არაპირდაპირი წესი 2023-ის ნაცვლად, 2018-ში ამოქმედდეს.

,,ქართულ ოცნებაში” ასევე აინტერესებთ, აპირებს თუ არა გიორგი მარგველაშვილი პრეზიდენტად მეორე ვადით კენჭისყრას და რომელი მოდელით ურჩევნია არჩევნებში მონაწილეობა.

მმართველი პარტიის ლიდერთა განცხადებებს სახელმწიფოს მეთაური ვაჭრობად აფასებს და საკონსტიტუციო ცვლილებების მიმართ კრიტიკულ ტონს არ ცვლის.