სასამართლო ხელისუფლება სანქციების მომხრე არ არის - ასეთია უზენაესი სასამართლოს თავმჯდომარის განცხადება იმ ინიციატივასთან დაკავშირებით, რომელიც ბოლო რამდენიმე დღეა კრიტიკული განცხადებების მიზეზია.
ნინო გვენეტაძე და იუსტიციის უმაღლესი საბჭოს მდივანი თემაზე ფართო დისკუსიის გამართვის აუცილებლობაზე საუბრობენ.
დიალოგისა და მსჯელობის მომხრეა მოსამართლეთა ნაწილიც. განცხადებები და შეფასებები მოსამართლეთა საერთაშორისო კონფერენციაზე გაკეთდა, რომელიც უკვე მეორე დღეა იმართება.
შეხვედრის მონაწილეებმა, დღეს საერთაშორისო ექსპერტებთან და უცხოელ კოლეგებთან ერთად, არასრულწლოვანთა მართლმსაჯულების შესახებ იმსჯელეს.
იუსტიციის უმაღლესი საბჭოს სადავო წინადადებას ეხმაურებიან უმრავლესობის წევრებიც. მმართველ გუნდში აცხადებენ, რომ კონკრეტული გადაწყვეტილებების მიღება მხოლოდ ფართო დისკუსიის და მსჯელობის შემდეგ არის შესაძლებელი.