რუსთავში, რამდენიმე წუთის წინ, ე.წ მინი-ვენის ტიპის ავტომანქანაში, ბუნებრივი აირის ბალონი აფეთქდა, ამის შესახებ „მოამბის“ ჟურნალისტი ადგილიდან იუწყება.

ინციდენტის დროს, ავტომობილში მძღოლი იმყოფებოდა, რომელმაც სახის არეში მეორე ხარისხის დამწვრობა მიიღო.

დაშავებული მამაკაცი, პირველადი სამედიცინო დახმარების აღმოჩენის შემდეგ, ჯერ კლინიკა „რუსთავში“, ხოლო, მოგვიანებით, დამწვრობის ცენტრში გადაიყვანეს. არსებული ინფორმაციით, მის სიცოცხლეს საფრთხე არ ემუქრება.