ბათუმის 11-12 მარტის მოვლენებთან დაკავშირებით, წინასწარ პატიმრობაში მყოფი გიორგი ბერიძის ადვოკატი, თენგიზ კახიძე სისხლის სამართლის საქმის დეტალებს ასაჯაროებს და მოვლენებთან დაკავშირებით აქციაზე მყოფი უმაღლესი საბჭოს ნაციონალური მოძრაობის დეპუტაციის დაკითხვას ითხოვს.

თენგიზ კახიძის განცხადებით, საქმე 14 ტომიანია, დაკითხულია სამასი მოწმე, მათ შორის ოთხი უმაღლესი საბჭოს დეპუტატი ქართული ოცნებიდან.

ადვოკატისთვის გაუგებარია, რატომ დაიკითხნენ მხოლოდ მმართველი გუნდის წარმომადგენლები, როცა კითხვები ოპოზიციის მიმართაც არსებობს.

თენგიზ კახიძის შეფასებით, გამოძიება პოლიტიკური მიმართულებით მიდის და ამ ფორმით იგი მოვლენების სრულყოფილ სურათს ვერ წარმოადგენს.