აპრილში ტურისტების რაოდენობა 29,7%-ით გაიზარდა, ხოლო საერთაშორისო მოგზაურთა რაოდენობა 10.2%-ით. ტურიზმის ეროვნული ადმინისტრაციის მონაცემებით, 2017 წლის აპრილში, ყველაზე მეტი ვიზიტი სომხეთიდან, აზერბაიჯანიდან, თურქეთიდან, რუსეთიდან და უკრაინიდან განხორციელდა.

პოზიტიური ტენდენცია ნარჩუნდება ასევე ევროკავშირის წევრი ქვეყნებიდან, ყველაზე მეტი სტუმარი აპრილში საქართველომ გერმანიიდან და ლიტვადან მიიღო.

განსაკუთრებით დიდი ზრდა უზბეკეთიდან დაფიქსირდა, წინა წლის მაჩვენებელთან შედარებით, ვიზიტორების რაოდენობა 332%-ით მეტია, მას მოსდევს საუდის არაბეთი, ირანი და ინდოეთი.