გაერთიანებული სამეფოს შინაგან საქმეთა მინისტრი სოციალურ ქსელებში ექსტრემისტული და სიძულვილის გამომხატველი ტექსტების განთავსებას კრიმინალად აფასებს და "ფეისბუქს", "გუგლსა" და "ტვიტერს", მსგავსი შინაარსის მქონე ტექსტების მონიტორინგის გაუმჯობესებას სთხოვს.

ანგარიშში, რომელიც გაერთიანებული სამეფოს პარლამენტის შინაგან საქმეთა კომიტეტმა დღეს გამოაქვეყნა, ნათქვამია, რომ აღნიშნული კომპანიები სამარცხვინოდ ცოტას აკეთებენ არალეგალური და სახიფათო შინაარსის შემცველი ტექსტების პრობლემის აღმოსაფხვრელად. ბრიტანეთის მთავრობა აცხადებს, რომ არ აპირებს შეეგუოს მსგავსს დამოკიდებულებას და გააგრძელებს ზეწოლას სოციალურ ქსელებზე.