გერმანული კომპანიები "სიმენსი" და "ეს-ეი-პი", საუდის არაბეთის ციფრულ გარდაქმნაში მნიშვნელოვანი როლის შესრულებას აპირებენ. თანამშრომლობის ხელშეკრულებას ქვეყნის მთავრობასთან კომპანიების წარმომადგენლებმა ხელი ანგელა მერკელის საუდის არაბეთში ოფიციალური ვიზიტის ფარგლებში მოაწერეს.

საუდის არაბეთმა, ეკონომიკის ნავთობზე დამოკიდებულების შესამცირებლად გრძელვადიანი გეგმა შეიმუშავა, რომელიც 2030 წლამდე ეკონომიკის დივერსიფიკაციას ისახავს მიზნად და გერმანული კომპანიები ამ გეგმის განხორციელებას, როგორც კონსულტაციის, ისე ტექნოლოგიების განვითარების კუთხით შეუწყობენ ხელს.