შეიცვლება თუ არა რეფინანსირების განაკვეთზე მიბმული სესხების პროცენტი, ხვალ გახდება ცნობილი. ეროვნული ბანკის, მონეტარული პოლიტიკის კომიტეტის მორიგი სხდომა სწორედ ორ მაისს არის ჩანიშნული.

კომიტეტის წინა სხდომაზე ბანკმა რეფინანსირების განაკვეთი უცვლელად 6.75 %-ზე დატოვა. როგორც მაშინ ეროვნულ ბანკში განმარტეს, არსებული პროგნოზის მიხედვით, მოსალოდნელია, რომ წლის განმავლობაში სამომხმარებლო ფასების ინდექსის ინფლაცია, ერთჯერადი ფაქტორების ზეგავლენით, დროებით გაიზრდება და მიზნობრივ მაჩვენებელზე მაღლა შენარჩუნდება.

თებერვლის მდგომარეობით, რეფინანსირების განაკვეთზე მიბმული სესხები 21 ათასზე მეტ მომხმარებელს აქვს.