დავით დევნოზაშვილი და ვინმე ლადო მეუბნებოდნენ, რომ თუ ბრალს არ ვაღიარებდი, სახლში ვერასოდეს წავიდოდი, ვერც დედას ვნახავდი და ვერც ვერავის. ასე ხდებოდა არაერთი ღამე, - ამის შესახებ ფოტოგრაფმა ზურაბ ქურციკიძემ სასამართლოსთვის ჩვენების მიცემის დროს აღნიშნა.
როგორც ქურციკიძემ თქვა, საპატიმროში ყოფნის დროს სიტყვიერად ემუქრებოდნენ.
"დავით დევნოზაშვილი და ვინმე ლადო მეუბნებოდნენ, რომ თუ ბრალს არ ვაღიარებდი, სახლში ვერასოდეს წავიდოდი, ვერც დედას ვნახავდი და ვერც ვერავის. ასე ხდებოდა არაერთი ღამე. მემუქრებოდნენ, აქ მოკვდებიო, ყოველ ღამე მეუბნებოდნენ - აღიარე, აღიარე, მეუბნებოდნენ, რომ გედენიძეებიც მე მადებდნენ ხელს. ამას ამბობდა დავით დევნოზაშვილი, ლადო, ერთი "ოქროსძეწკვიანი" კაციც. რა უნდა დამეწერა, ან რა უნდა მეთქვა. ფსიქოლოგიურად გავტყდი, აღარ შემეძლო უკვე. მაშინ აქციები მიმდინარეობდა და დევნოზაშვილი მეუბნებოდა, რა გგონია, ესენი გიშველიანო? როცა მიხვდნენ, რომ უკვე ჩემი თანხმობა ჰქონდათ, მოვიდნენ ერთ-ერთ ღამეს და დევნოზაშვილმა მითხრა, თუ მის მოტანილ ტექსტს წავიკითხავდი, სამ წელს მომისჯიდნენ. თანახმა არ ვიყავი და შემდეგ შეცვალა პირობა", - განაცხადა ქურციკიძემ.
მისივე თქმით, ჩვენებაში ეწერა, რომ რუსულ სპეცსამსახურებთან თანამშრომლობდა, რომლებსაც აწვდიდა მასალას და ამ მასალას კი თავის მხრივ გადაბირებული გედენიძე და აბდალაძე აწვდიდნენ, მასალებს შორის იყო პრეზიდენტის გადაადგილების მარშრუტიც.
მისი თქმით, აღიარებითი ჩვენება მან ადვოკატების წინაშე მისცა.