შეერთებული შტატები უცხო ქვეყნებთან სხვადასხვა სფეროში თანამშრომლობის საკითხს ვითარებიდან გამომდინარე აირჩევს, ეს, შესაძლოა, რუსეთი, ჩინეთი ან სხვა ჯგუფები იყოს. ამის შესახებ პრეზიდენტმა დონალდ ტრამპმა CBS-თვის მიცემულ ინტერვიუში ისაუბრა.
ტრამპის თქმით, რუსეთთან შეთანხმება შესაძლებლად მიაჩნია, თუმცა გამორიცხული არ არის ეს სხვა ქვეყნებთან მოხდეს, თუმცა მას არ დაუზუსტებიაა, კონკრეტულად თუ რომელ სფეროში განიხილება თანამშრომლობა.
ჩრდილოეთ კორეაზე საუბრისას, დონალდ ტრამპმა ქვეყნის ლიდერი, კიმ ჩენ ინი, „ჭკვიან ბიჭად” მოიხსენია. ტრამპის თქმით, მან არ იცის ნორმალურია თუ არა კიმ ჩენ ინი, თუმცა აღნიშნავს, რომ მას ქვეყნის სადავეების გადაბარება ადრეულ ასაკში, მამის გარდაცვალების შემდეგ მოუწია და სირთულეების მიუხედავად, შეძლო სათავეში დარჩენა, თუმცა ტრამპი აცხადებს, რომ ვერ დაუშვებს ფხენიანთან ვითარების განვითარებას იმ ფორმით, როგორც ეს წლების განმავლობაში იყო.