გაერო-ს განვითარების მსოფლიო ორგანიზაციამ, თამბაქოს მოხმარების შესახებ, კვლევის შედეგები გამოაქვეყნა. კვლევის შედეგად დადგინდა, რომ საქართველოში თამბაქოსთან დაკავშირებული დაავადების გამო, ყოველწლიურად დაახლოებით 11 ათასი ადამიანი იღუპება და მათ შორის 3000 არამწეველია.

კვლევის მიხედვით, საქართველოში მწეველ მამაკაცთა პროცენტული მაჩვენებელი 57% შეადგენს, ხოლო ქალებს შორის მწეველთა რაოდენობა ბოლო წლების განმავლობაში გაორმაგდა.

გაერო-ს წარმომადგენლებმა ასევე ისაუბრეს ეკონომიკურ ტვირთებზე.

კვლევის შედეგად დადგინდა, რომ თამბაქოს მოხმარებით გამოწვეული ეკონომიკური ზარალი დაახლოებით 455 მილიონ ლარს შეადგენს, ხოლო თამბაქოსთან დაკავშირებული დაავადებებით გამოწვეული ხარჯები 73 მილიონ ლარზე მეტს.