სათხილამურო სეზონის განმავლობაში, მოთხილამურე პატრულებმა 474 დაზარალებულებს აღმოუჩინა დახმარება, მოქალაქეებს კი 200-მდე დაკარგული ნივთის დაბრუნება დაეხმარა.
საქართველოს შინაგან საქმეთა სამინისტრომ პროექტ "მოთხილამურე პატრული" მიმდინარე წლის სეზონის შემაჯამაბელი ღონისძიება გუდაურში გაიმართა. საქართველოს შინაგან საქმეთა მინისტრმა გიორგი მღებრიშვილმა მოთხილამურე პატრულები მადლობის სიგელებით დააჯილდოვა.
მღებრიშვილმა სეზონის განმავლობაში სამსახურეობრივი მოვალეობის სანიმუშო შესრულებისთვის 22 მოთხილამურე პატრული დააჯილდოვა.
"მადლობას გიხდით გაწეული შრომისთვის, პროფესიონალიზმისა და შემართებისთვის, თქვენი დამსახურებაა, რომ პროექტი, რომელსაც დაწყების დღიდან განსაკუთრებით ვგულშემატკივრობ, ასეთ წარმატებულ და საზოგადოებისთვის სასარგებლო სამსახურად ჩამოყალიბდა, სწორედ ჩემი მადლიერების, პატივისცემის და მხარდაჭერის გამოხატულებაა მადლობის სიგელები", - განაცხადა მღებრიშვილმა.