ყაზახეთი ქვეყნის ისტორიაში ყველაზე მასშტაბური პრივატიზაციისთვის ემზადება. ამასთან, ყაზახეთის სიმდიდრის სუვერენული ფონდი, მის პორტფელში არსებული სტრატეგიული მნიშვნელობის მქონე ობიექტების გასხვისებასაც აპირებს, როგორიცაა ავიაკომპანია "ეარ ასტანა" და ურანის მწარმოებელი "ყაზ-ატომ-პრომი", ენერგოკომპანიები "ყაზმუნაიგაზი" და "სამრუკ-ენერგო", "ყაზახეთის რკინიგზა" და ეროვნული საფოსტო კომპანია.

როგორც ფონდის წარმომადგენელმა განუცხადა, სუვერენული ფონდი, რომელმაც 2008 წლის ფინანსური კრიზისის დასაძლევად, ფაქტობრივად ქვეყნის მთავარი ეკონომიკური აქტივების ნახევარი შეიძინა, გარდაქმნის სტადიაშია და წლის ბოლომდე თავის მფლობელობაში არსებული კომპანიების რაოდენობა უნდა გაანახევროს.