თბილისში ეუთო-ს დელეგაციის ვიზიტი გრძელდება. დღეს უცხოელი მედიაექსპერტები მედიაორგანიზაციების წარმომადგენლებს შეხვდნენ.
ძირითადი სასაუბრო თემა საქართველოში მედიაომბუდსმენის ინსტიტუტის შექმნის საკითხი იყო, რის მიმართაც მედიაორგანიზაციათა დიდი უმრავლესობა კრიტიკულადაა განწყობილი.
ისინი ახალი ინსტიტუტის შექმნის აუცილებლობას ვერ ხედავენ, მათთვის ასევე გაურკვეველი რჩება, თუ რა ფუნქცია უნდა დაეკისროს მედიაომბუდსმენს.
ეუთოს წარმომადგენლების განმარტებით, გადაწყვეტილება ქართულმა მხარემ საჭიროებების შეფასების საფუძველზე უნდა მიიღოს.
თბილისში გამართული შეხვედრების შეჯამების შემდეგ მედიაექსპერტები საბოლოო განცხადებას მაისში გააკეთებენ.
შეგახსენებთ, რომ მედიაომბუდსმენის შესახებ ინიციატივა ქვეყნის პრემიერს ეკუთვნის.