#იბერია #ტელევიზია

➲ [აღწერა] პრეზიდენტი ამ წუთებში პოლიტიკურ პარტიებს, არასამთავრობოებს და ექსპერტებს ხვდება. მთავარი თემა არის კონსტიტუციაში დაგეგმილი ცვლილებები. შეხვედრა უკვე ერთი საათია, მიმდინარეობს. პოლიტიკური ძალები აცხადებენ, რომ მიმდინარეობს მუშაობა ერთობლივ გეგმაზე, იმ ერთიან გზავნილებზე, რომელიც თბილისიდან ვენეციის კომისიაში უნდა გაიგზავნონ. ეს არის ინიციატივა, რომელსაც დღეს ისინი პრეზიდენტს გააცნობენ.
საკონსტიტუციო ცვლილებებს უკიდურესი ფორმით გააპროტესტებს „პატრიოტთა ალიანსი“. ირმა ინაშვილი უვადო შიმშილობის აქციას აანონსებს. მისი თქმით, თუ ცესკო საკონსტიტუციო ცვლილებების პროექტში სადავო საკითხებთან დაკავშირებით „საქართველოს პატრიოტთა ალიანსის“ მოთხოვნას რეფერენდუმის ჩატარების თაობაზე ხელს შეუშლის, პარტიისა და საპარლამენტო ფრაქციის წევრები პერმანენტულ საპროტესტო აქციებს დაიწყებენ. პატრიოტთა ალიანსისთვის მიუღებელია ე.წ. “ გაუნაწილებელი მანდატების“ ბონუსებად შეფუთვა და „ქართული ოცნებისთვის“ ჩუქება, ინაშვილისთვის ასევე გაუგებარია რეფორმების პაკეტი, რომელიც პრეზიდენტის ინსტიტუტს უკავშირდება. ინაშვილი იმედოვნებს რომ ყოფილი პრემიერი ბიძინა ივანიშვილი მოახდენს გარკვეულ გავლენას საკონსტიტუციო ცვლილებების პაკეტზე.
საპარლამენტო უმრავლესობის წევრები კონსტიტუციაში შესატანი ცვლილებების სახალხო განხილვას იწყებენ.