მოსამართლის 84 ვაკანტური ადგილისთვის 106 კონკურსანტი იბრძვის. იუსტიციის უმაღლეს საბჭოში კანდიდატებთან გასაუბრების პროცესი მიმდინარეობს.

კონკურსის მონაწილეებს შორისაა მოქმედი პროკურორი რევაზ ნადოი, რომელსაც 7-წლიანი პაუზის შემდეგ კვლავ სასამართლოში დაბრუნება სურს.

თუ საბჭოს წევრებისგან მხარდაჭერას მიიღებს, არაერთი გახმაურებული საქმის პროკურორი მოსამართლის მანტიას უვადოდ მიიღებს. კონკურსს თვალს ადევნებს მესამე სექტორიც, რომელსაც პროცესის გამჭვირვალობის მიმართ შენიშვნები აქვს.