გაჩნდებიან თუ არა ე.წ. ციანიდის საქმეში ახალი ფიგურანტები: კითხვა ბრალდების მხარის მთავარი მოწმის სკანდალური განცხადების შემდეგ ჩნდება.
ირაკლი მამალაძე პროკურატურას მოუწოდებს, სისხლის სამართლის საქმე სოსო ოხანაშვილის და პატრიარქის დაცვის სამსახურის ყოფილი წევრების მიმართაც აღძრას. მოწმე მტკიცებულებების არსებობაზე მიუთითებს, თუმცა არ აკონკრეტებს-რა შემხებლობა აქვს კათოლიკოს-პატრიარქის დაცვის ყოფილ უფროსს გახმაურებულ საქმესთან.
თავის დროზე ოხანაშვილი ერთ-ერთ ეჭვმიტანილად დაასახელა საპატრიარქოს იურისტმაც. ,,მოამბის” არა ერთი მცდელობის მიუხედავად, დაცვის ყოფილი ხელმძღვანელის კომენტარის მოპოვება ვერ მოხერხდა.
სოსო ოხანაშვილი ერთ-ერთი პირველი იყო, რომელიც დეკანოზის დაკავების შემდეგ დაკითხეს. გამოძიების ჩვენება მისცა მამა გიორგი მამალაძესთან დაახლოებულ პირად დასახელებულმა მეუფე ანდრეა გვაზავამაც, რომელიც დაკითხვის დეტალებზე დღეს პირველად საუბრობს.
ურთიერთგამომრიცხავი ვერსიები და მთავარი პროკურორის მოადგილის განმარტებები საქმეზე, რომლის განხილვას სამ დღეში სასამართლო იწყებს.