საქართველოს კომუნიკაციების ეროვნულ კომისიას ახალი ხელმძღვანელი ჰყავს. კომისიის წევრებმა კენჭისყრაზე მხარი კახი ბექაურის კანდიდატურას დაუჭირეს. ბექაური თავმჯდომარეობის ერთადერთი კანდიდატი იყო. მან ამ თანამდებობაზე ვახტანგ აბაშიძე შეცვალა, რომელსაც უფლებამოსილების ვადა ამოეწურა.

კახი ბექაური 1969 წელს დაიბადა. ივანე ჯავახიშვილის თბილისის სახელმწიფო უნივერსიტეტის კიბერნეტიკისა და გამოყენებითი მათემიტიკის ფაკულტეტზე ოპტიმიზაციისა და ოპტიმალური მართვის სპეციალობით სწავლობდა.

სხვადასხვა დროს მუშაობდა კერძო კომპანიებში, 2000-2002 წლებში იყო საქტელერადიომაუწყებლობის თავმჯდომარის მოადგილე; 2002-2003 წლებში ტელეკომპანია ,,მზის,, გენერალური დირექტორი; 2004-205-წლებში საზოგადოებრივი მაუწყებლის თავმჯდომარის პირველი მოადგილე; 2010-2011 წლებში ტელეკომანია ,,მაესტროს,, გენერალური დირექტორი; 2012 წელს ტელეკომპანია "მეცხრე არხის" ხელმძღვანელი; 2014 წლიდან კი საქართველოს კომუნიკაციების ეროვნული კომისიის წევრია.