3 მაისი, 2017

უკრაინაში საქართველოს საელჩომ პრესკონფერენცია გამართა და მედიის წარმომადგენლებს ევროვიზიის ქართველი კონკურსანტი თამარა გაჩეჩილაძე წარუდგინა.

მომღერალმა ჟურნალისტთა შეკითხვებს უპასუხა. მომღერალი თამარა გაჩეჩილაძე ევროფესტივალის პირველ ნახევარფინალურ შოუზე, 9 მაისს, კიევში მეორე ნომრად იმღერებს.

ევროვიზიის სიმღერის რიგით 62-ე კონკურსში წელს 42 ქვეყანა მონაწილეობს. შოუს პირდაპირი ეთერით ტრანსლაციას საზოგადოებრივი მაუწყებელი უზრუნველყოფს.

9, 11 და13 მაისს, 23:00 საათზე, ევროვიზია 2017 პირველი არხის პირდაპირ ეთერშია