„გაერთიანებული სამეფო ევროკავშირის დატოვებისთვის არავითარი თანხის გადახდას არ აპირებს", - ამის შესახებ Brexit-ის სახელმწიფო მდივანმა დევიდ დევისმა განაცხადა.

BBC-ის ინფორმაციით, ბრიტანელი დიპლომატი დარწმუნებულია, რომ გაერთიანებული სამეფო ევროკავშირის დატოვების პროცესში ყველა ნაკისრ ვალდებულებას შეასრულებს, თუმცა ეს ვალდებულებები ფინანსურ საკითხს ევროგაერთიანების წინაშე არ ითვალისწინებს.

„გაერთიანებული სამეფო ემორჩილება კანონს და არა ევროკავშირის ნებას.“ - განაცხადა დევისმა.

Brexit-ის სახელმწიფო მდივნის განცხადება ბიტანულ გამოცემა Financial Times-ის მიერ გამოქვეყნებულ სტატიას მოჰყვა, სადაც ეწერა, რომ გაერთიანებული სამეფოს მთავრობას ბრექსიტის პროცესის დასრულებისას ევროკავშირისთვის შესაძლოა ,100 მილიარდი ევროს გადახდა მოუწიოს.