მსოფლიო ბანკი, საქართველოს ეკონომიკური რეფორმების პროგრამის მხარდასაჭერად, 47 მილიონ ევროზე მეტს გამოყოფს. ხელშეკრულება დღეს ფინანსთა სამინისტროში გაფორმდა. მსოფლიო ბანკის პროგრამა მხარს უჭერს მთავრობის 4-პუნქტიან გეგმას და მის ფარგლებში მიმდინარე რეფორმებს.

თანხა ძირითადად, მიმართულია სახელმწიფო ორგანიზაციების ფისკალური ზედამხედველობის გაძლიერებასა და საჯარო სამსახურის ბიუჯეტირების გაუმჯობესებაზე, აგრეთვე მოსახლეობისთვის სოციალური მომსახურების ხარისხის ამაღლებაზე.

აღსანიშნავია, რომ მსოფლიო ბანკის მიერ საქართველოში განხორციელებულმა კაპიტალდაბანდებებმა ბოლო 25 წლის განმავლობაში 2 მილიარდ 270 მილიონ დოლარს მიაღწია.