აპრილში ინფლაციის დონე გაიზარდა. სამომხმარებლო ფასები წინა თვესთან შედარებით 0,1 პროცენტით, წინა წელთან შედარებით კი, 6,1 პროცენტით გაიზარდა. ბოლო 1 თვეში გაძვირდა სურსათი და უალკოჰოლო სასმელები, ჯამში 1,4 პროცენტით.

ფასები ხილსა და ყურძენზე თითქმის 9 პროცენტით გაიზარდა, ბოსტნეულსა და ბაღჩეულზე - 7 პროცენტით. ფასები შემცირდა ზეთზე, ცხიმზე და თევზეულზე. წლიურ ჭრილში სურსათისა და უალკოჰოლო სასმელებზე 7,6-პროცენტიანი მატება დაფიქსირდა.

ტრანსპორტის ჯგუფში ფასები გაიზარდა 17 პროცენტით. ფასები მომატებულია როგორც თამბაქოს ნაწარმზე, 30 პროცენტით, ისე ალკოჰოლურ სასმელებზე - 1,8 პროცენტით. ფასები გაიზარდა ჯანმრთელობის დაცვის სექტორშიც, 6.1%-ით.