მოსამართლეობის მსურველ კანდიდატებთან გასაუბრება გრძელდება. დღეს საბჭოს წევრები კიდევ 16 კანდიდატს გაესაუბრნენ. მათ შორის ერთ-ერთი იყო გიორგი ჩემია, რომელიც სანდრო გირგვლიანის საქმის განმხილველი მოსამართლე იყო. მას 2016 წელს, მოსამართლეობის 10 წლიანი ვადა გაუვიდა და ხელმეორედ საბჭოს ის არ აირჩია. მაშინ არასამთავრობო ორგანიზაციები მის მოსამართლედ დანიშვნას აპროტესტებდნენ.

დღეს მედიასთან ჩემიას კომენტარი არ გაუკეთებია. რაც შეეხება სხვა კანდიდატებს, მათი თქმით, ძირითადად კითხვები ეხებოდა მათ კვალიფიკაციას. როგორც საბჭოს მდივანი აცხადებს, წევრებს შეფასებისთვის დაახლოებით 5 დღე ექნებათ და ამის შემდეგ უკვე კენჭისყრა ჩატარდება.

84 ვაკანტურ ადგილზე სულ 106 მოსამართლეობის კანდიდატია დარეგისტრირებული.