#იბერია #ტელევიზია

➲ [აღწერა] დეკანოზი გიორგი მამალაძე ამ დრომდე ოჯახისათვის დაცვის მოხსნას მოითხოვს. როგორც ადვოკატები ამბობენ, თავად ბრალდებულ მამალაძის სურვილია, სასამართლო იყოს საჯარო, პროკურატურას კი საწინააღმდეგო არგუმენტად მისი ოჯახისთვის დანიშნული დაცვა მოჰყავს. იცავს თუ არა სახელმწიფო ბრალდებულ გიორგი მამალაძის ოჯახის წევრებს - ეს ინფორმაცია დღეს კიდევ ერთხელ გადავამოწმეთ. ქობულეთში, დეკანოზის სახლში მისულ იბერიას გადამღებ ჯგუფს ადგილზე პროკურატურის დაცვის წარმომადგენელი დახვდა. ასევე ირკვევა, რომ დეკანოზის ოჯახის წევრები თბილისში არ წამოსულა, შესაბამისად სავარაუდოდ, ისინი ხვალინდელ პროცესს არ დაესწრებიან. პროცესს არც მეუფე დიმიტრი დაესწრება, როგორც მისი პრესმდივანი ამბობს, თბილისში მხოლოდ ეპარქიის იურისტი წავა. მამა იოანემ ისაუბრა მეუფე დიმიტრის დაკითხვაზეც და განაცხადა, რომ მეუფემ გაუთქმელობას მოაწერა ხელი და დეტალებზე ვერ ისაუბრებს.

პროცესის ღიაობას ითხოვენ ადვოკატებიც. ამბობენ რომ ამ მოთხოვნისვის სამართლებრივი საფუძვლები აქვთ. აპირებენ დააყენონ ორი შუამდგომლობა, აღკვეთის ღონისძიების შეცვლა და საქმის წარმოების შეწყვეტა.

დეკანოზ გიორგი მამალაძის გათავისუფლებისა და სასამართლო პროცესის საჯაროობის მოთხოვნით ხვალ საქალაქო სასამართლოსთან, სხდომის პარალელურად, აქცია იგეგმება. რამდენიმე კვირის წინ შეიქმნა პეტიციაც, რომელსაც დღეს უკვე 3000-მდე ხელმომწერი ჰყავს. დეკანოზის სულიერი შვილები, ნათლულები და საზოგადოების წევრები მამა გიორგი მამალაძეს დამნაშავედ არ მიიჩნევენ და საკუთარი აზრის დაფიქსირებას ხვალ დილიდან საჯაროდ აპირებენ.