საქართველოს ჯანდაცვის სამინისტროსა და სოფლის მეურნეობის სამინისტროებმა ამერიკის შეერთებული შტატების დაავადებათა კონტროლისა და პრევენციის ცენტრებთან ურთიერთგაგების მემორანდუმი გააფორმეს. მემორანდუმის ხელმოწერის ცერემონიას ამერიკის ელჩმა იან კელიმ უმასპინძლა.

დოკუმენტი ითვალისწინებს თანამშრომლობას ისეთ სფეროებში როგორიცაა: საზოგადოებრივი ჯანდაცვის სისტემის პერსონალის განვითარება, საზოგადოებრივი ჯანდაცვის პროგრამების ეფექტურობის გაძლიერება, დაავადებების პრევენცია, გამოვლენა და რეაგირება; აღნიშნული თანამშრომლობა ასევე ითვალისწინებს კონსულტაციებსა და ტექნიკურ დახმარებას, გაცვლით ვიზიტებს, საქართველოსთვის ახალი დიაგნოსტიკური ტექნოლოგიების გადაცემას და ფინანსურ მხარდაჭერას.