მაკედონიის პარლამენტის ახალი სპიკერი, ეთნიკურად ალბანელი თალეთ ჯაფერი ქვეყნის პრეზიდენტისგან მინისტრთა ახალი კაბინეტის ფორმირებისთვის მანდატის მინიჭებას ითხოვს, წინააღმდეგ შემთხვევაში კი პრეზიდენტს იმპიჩმენტით ემუქრება. თუმცა იმპიჩმენტის პროცესის დასაწყებად, პარლამენტის წევრთა ხმების ორი-მესამედია საჭირო.
პოლიტიკური კრიზისი მაკედონიაში 2016 წლის დეკემბრის არჩენების შემდეგ გაძლიერდა. ყოფილმა მმართველმა “დემოკრატიულმა პარტიამ” ამჯერად უმრავლესობის ფორმირება ვერ შეძლო, რითაც ოპოზიციურმა ძალებმა ისარგებლეს და “სოციალ-დემოკრატებისა” და 3 ალბანური პარტიისგან კოალიცია ჩამოაყალიბეს.
27 აპრილს მაკედონიის ოპოზიციურმა ძალებმა საერთო პროცედურების გვერდის ავლით, სპიკერად სწორედ თალეთ ჯაფერი აირჩიეს, რასაც საკანონმდებლო ორგანოში დაპირისპირება მოჰყვა. თალეთ ჯაფერი მოვალეობის შესრულებას 3 მაისიდან შეუდგა.