შეერთებული შტატების წარმომადგენელთა პალატამ 217 ხმით, 213-ის წინააღმდეგ, „ობამაქეარის“ სახელწოდებით ცნობილი ჯანდაცვის პროგრამის გაუქმებას მხარი დაუჭირა.
დასავლური მედია კენჭისყრის შედეგებს პრეზიდენტ დონალდ ტრამპის მნიშვნელოვან გამარჯვებად მიიჩნევს.
„ობამაქეარის“ პროგრამის ჩანაცვლების მცდელობა პრეზიდენტს მარტშიც ჰქონდა, თუმცა მაშინ კანონპროექტმა თავად რესპუბლიკელთა მხრიდანაც ვერ შეძლო საკმარისი ხმების მოპოვება, რის გამოც დოკუმენტის ავტორებმა ის უკან გაიწვიეს.
ახლა ,,ობამაქეარს" რესპუბლიკური პარტიის მიერ შემუშავებული ჯანდაცვის ახალი პროგრამა ჩაანაცვლებს.
,,ობამაქეარი" რომელიც ხელმისაწვდომი ჯანდაცვის პროგრამას გულისხმობს, ამერიკის მოქალაქეებს სადაზღვევო პოლისის შეძენას ავალდებულებს, წინააღმდეგ შემთხვევაში კი, ჯარიმის სახით, 995 დოლარის გადახდა ეკისრებათ, რაც მრავალი ადამიანის უკმაყოფილებას იწვევს.