ევროპაში ელექტრო მობილეებზე მოთხოვნა წლის პირველ კვარტალში 38 პროცენტით გაიზარდა, რასაც ანალიტიკოსები ბაზარზე რენოს ელექტრომობილის ზოუის განახლებული მოდელის გამოჩენას მიაწერენ, რომელიც ერთ დამუხტვაზე 400 კილომეტრს გადის და 23 ათას 600 ევრო ღირს.

ინფორმაციას ევროპის ავტომწარმოებელთა ასოციაცია ავრცელებს. თუმცა ანალიტიკოსები აღნიშნავენ, რომ ევროპის ბაზარი ჯერ კიდევ საგრძნობლად, თითქმის 16 პროცენტით ჩამორჩება შეერთებული შტატების ბაზარს, სადაც ელექტრომობილების გაყიდვები საანგარიშო პერიოდში 49 პროცენტით - 40 ათას 700 ერთეულამდე გაიზრდა.