თბილისს საერთაშორისო სტანდარტების შესაბამისი, კიდევ ერთი თანამედროვე რაგბის ახალი სავარჯიშო კომპლექსი ექნება, რომელიც ოთხ ჰექტარ ტერიოტროიაზე მუხიანში მდებარეობს.

კომლექსის მშენებლობის ძირითადი ეტაპი დასრულებულია, დარჩენილია კოსმეტიკური სამუშაოები. ახალ სარაგბო საწვრთნელ ბაზას, დღეს ქალაქის მერი, დავით ნარმანია და სპორტის მინისტრი ტარიელ ხეჩიკაშვილი ესტუმრნენ.

აღსანიშნავია, რომ მოახლოებულ 20 წლამდელთა მსოფლიოს სარაგბო ჩემპიონატზე აღნიშნულ ბაზას რამდენიმე ნაკრები საწვრთნელი პროცესისთვის გამოიყენებს.

სავარჯიშო კომპლექსში განთავსდება ერთი ბუნებრივსაფარიანი, ორი ხელოვნური და ერთიც ქვიშის მოედანი.

კომლექსი, დარბაზის მშენებლობასაც ითვალისწინებს, რომელიც სხვადასხვა სპორტული ინვენტარით აღიჭურვება და ათას გულშემატკივარზე გათვლილი ტრიბუნა ექნება. მთლიანი პროექტის ღურებულება 6,5 მილიონი ლარია