გიორგობის დღესასწაულთან დაკავშირებით ქაშუეთის ტაძარში წირვას სრულიად საქართველოს კათოლიკოს-პატრიარქი, მცხეთა-თბილისის მთავარეპისკოპოსი, ბიჭვინთისა და ცხუმ-აფხაზეთის მიტროპოლიტი, უწმინდესი და უნეტარესი ილია II აღავლენს.

როგორც „მოამბის“ ჟურნალისტი ადგილიდან იუწყება, ქაშუეთის ტაძარში წირვას საქართველოს პრემიერ-მინისტრი გიორგი კვირიკაშვილი ესწრება.

6 მაისი წმინდა დიდმოწამე გიორგის აღსრულების დღეა.

ქართული მართლმადიდებელი ეკლესია წმინდა გიორგის ხსენებას წელიწადში ორჯერ აღნიშნავს - 6 მაისს - წმინდანის აღსრულების დღეს და 23 ნოემბერს - ბორბალზე მისი წამების დღეს.