სახელმწიფოებს, რომლებიც საქართველოს ტერიტორიულ მთლიანობას არ აღიარებენ, შეერთებული შტატების მხრიდან დაფინანსება შეეზღუდებათ. ამის შესახებ საკანონმდებლო აქტს ხელი უკვე მოაწერა დონალდ ტრამპმა.
გადაწყევტილების თანახმად, სახელმწიფო მდივანს დაევალა 90 დღის განმავლობაში კონგრესს რუსული ოკუპაციით განხორციელებული ქმედებების შესახებ მოახსენოს;
აშშ-ის წარმომადგენლები საერთაშორისო ფინანსურ ინსტიტუტებში არც იმ პროგრამებს დაუჭრენ მხარს, რომელიც საქართველოს სუვერენიტეტს არღვევს.
დოკუმენტის მიხედვით, აღმოსავლეთ პარტნიორობის ქვეყნებისთვის დამატებითი დახმარება გამოიყოფა: იმისთვის, რომ გაუმკლავდენენ რუსეთის აგრესიას და ასოცირებისა და თავისუფალი ვაჭრობის შეთანხმება ეფექტურად განახორციელონ.
წარმომადგენელთა პალატამ კანონს ორი დღის წინ დაუჭირა მხარი, რასაც სენატის მხარდაჭერაც მოჰყვა.