რუსული საინფორმაციო სააგენტო Sputnik-ის ჟურნალისტებს ამერიკის შეერთებული შტატების კონგრესში აკრედიტაციის უფლება შეეზღუდათ. ინფორმაციას ამერიკული გამოცემა Politico ავრცელებს.

აღნიშნულ გამოცემასთან საუბარში, კონგრესის პრესსამსახურის უფროსმა ჯასტინ უილსონმა განაცხადა, რომ Sputnik-ის ჟურნალისტებს უფლება აქვთ, კონგრესის გადაწყვეტილება გაასაჩივრონ.

კონგრესის პრესსამსახურის შიდაგანაწესის თანახმად, უცხო ქვეყნის მთავრობის მიერ დაფინანსებული მედიის წარმომადგენლებისთვის აკრედიტაციის მინიჭება იკრძალება.

Sputnik-ის ვაშინგტონის ბიუროს კორესპონდენტმა ენდრიუ ფეინბერგმა კონგრესში აკრედიტაციაზე უარი უკვე მიიღო.