საფრანგეთის შინაგან საქმეთა სამინისტროს საარჩევნო კომისიის სპეციალურმა სამსახურმა პრეზიდენტობის კანდიდატ ემანუელ მაკრონზე განხორციელებული ჰაკერული თავდასხმის ფაქტის გამოძიება დაიწყო. უწყების ინფორმაციით, ანონიმურმა პირმა 9 გიგაბაიტის მოცულობის მასალა, საზოგადოების შეცდომაში შეყვანის მიზნით, გაავრცელა.

მასალა ცენტრისტი კანდიდატის ელექტრონული ფოსტის მიმოწერასა და ცრუ ინფორმაციას შეიცავს, რის გამოც საფრანგეთის ცენტრალური საარჩევნო კომისია მოქალაქეებს მოუწოდებს, სოციალურ ქსელებში ინფორმაციის გაზიარებისგან თავი შეიკავონ.

საფრანგეთში წინასაარჩევნო კამპანიის ბოლო დღეს, პრეზიდენტობის დამოუკიდებელი კანდიდატის, ემანუელ მაკრონის პირადი ელექტრონული ფოსტა ჰაკერებმა გატეხეს.

ადგილობრივი დროით 22:00 საათზე 9 გიგბაიტის მოცულობის მასალა ვებგვერდ Pastebin.com–ზე EMLEAKS –ის სახელით აიტვირთა.



წყარო: Washington Post