პირველმა ვიცე-პრემიერმა დიმიტრი ქუმსიშვილმა იაპონიაში ვიზიტი დაასრულა. შეხვედრებისას ყურადღება გამახვილდა აზიის განვითარების ბანკის მიმდინარე და სამომავლო პროექტებზე. ასევე, საბიუჯეტო დახმარების პროგრამაზე, რომელიც მნიშვნელოვანი მხარდაჭერა იქნება მთავრობის 4-პუნქტიანი გეგმის განხორციელების პროცესში.

აზიის განვითარების ბანკი ქვეყნის საინვესტიციო ლიმიტს 200-დან 350 მილიონ დოლარამდე გაზრდის.

ფინანსთა მინისტრმა აზიის განვითარების ბანკის მმართველთა საბჭოს 50-ე წლიურ შეხვედრაშიც მიიღო მონაწილეობა. დიმიტრი ქუმსიშვილმა ორმხრივი შეხვედრები გამართა აზიის განვითარების ბანკის პრეზიდენტთან და სხვა ხელმძღვანელ პირებთან, აგრეთვე მსხვილი საინვესტიციო კომპანიების წარმომადგენლებთან.