საქართველოს ტურისტულ მიმართულებას 6 ქვეყნიდან ტუროპერატორები გაეცნენ. ტურიზმის ეროვნული ადმინისტრაციის ორგანიზებით, ქვეყანას ბალტიისპირეთის სახელმწიფოების, ასევე ბელორუსის, უკრაინისა და რუსეთის წამყვანი ტურისტული კომპანიების წარმომადგენლები ეწვივნენ.

ინფოტურის მონაწილეები ქუთაისს, წყალტუბოს, ბორჯომს, გორს, უფლისციხეს, სიღნაღს, დავით გარეჯს, ყაზბეგს, ანანურს და გუდაურს ეწვივნენ.

ტურისტული კომპანიების წარმომადგენლებმა დაათვალიერეს თბილისისა და მცხეთის ისტორიული უბნები. დედაქალაქში ინფოტურის მონაწილეებს ტურიზმის ეროვნული ადმინისტრაციის ხელმძღვანელი გიორგი ჩოგოვაძე შეხვდა.