ოპოზიცია საქართველოში ჩამოსული იური ლუჟკოვის წინააღმდეგ სანქციების გატარებას ითხოვს.
ხელისუფლების ოპონენტებს აინტერესებთ, როგორ გადმოკვეთა ქვეყნის საზღვარი მოსკოვის ყოფილმა მერმა, რომელსაც ოკუპირებულ აფხაზეთსა და ცხინვალში რუსეთიდან ჩასვლის გამო, ოკუპაციის შესახებ კანონი ორჯერ აქვს დარღვეული. შესაბამისი სამსახურების მხრიდან საკითხის შესწავლა დაწყებულია.
მწვავე პოლიტიკური შეფასებების მიზეზი ხდება ის განცხადებაც, რომელიც ლუჟკოვმა მოამბესთან საუბრის დროს გააკეთა: „აფხაზეთის და სამხრეთ ოსეთის ჩამოშორების შემდეგ საქართველო უკეთ იგრძნობს თავს.”- ეს არის ციტატა ინტერვიუდან.
ოთხდღიანი ტურისტული ვიზიტის შემდეგ, მოსკოვის ყოფილმა მერმა ქვეყანა უკვე დატოვა. პრობლემა არც საზღვრის გადაკვეთის დროს შექმნილა.
სალომე ქოქიაშვილი განაგრძობს თემაზე საუბარს.