პარლამენტის წევრმა ირმა ინაშვილმა საპარლამენტო უმრავლესობას შეახსენა, რომ თავის დროზე, „ქართული ოცნება“ ხელისუფლებაში სწორედ საარჩევნო ბლოკის საშუალებით მოვიდა.

ინაშვილმა მმართველი გუნდი საარჩევნო ბლოკების გაუქმების გამო, ზუგდიდში, კონსტიტუციური ცვლილებების განხილვისას გააკრიტიკა და მათ კოალიცია „ქართული ოცნების“ წარსული გაახსენა. 

„როცა თქვენ გვეუბნებით, რომ ბლოკების შექმნა ნეგატიური მოვლენაა, მგონი, „ქართული ოცნებაც“ ხელისუფლებაში ბლოკური სისტემით მოვიდა. გუშინ, არჩილ თალაკვაძემ პარტიები გაიხსენა, რომლებიც კოლოსალურ დაფინანსებას იღებდნენ. თქვენ არ იყავით, რომელმაც ნულ პროცენტიანი თუ მინუს ერთპროცენტიანი „რესპუბლიკური პარტია“ ხელისუფლებაშიც მოიყვანეთ და თავზეც დაგვასვით?“, - მიმართა უმრავლესობას ინაშვილმა.

ინაშვილის რეპლიკამ პარლამენტის თავმჯდომარე ირაკლი კობახიძემ გაამხიარულა, რაც ჟესტით გამოხადა.