სამხრეთ კორეაში დღეს ვადამდელი საპრეზიდენტო არჩევნები მიმდინარეობს. საარჩევნო უბნები ადგილობრივი დროით 6 საათზე გაიხსნა. უბნებთან დილიდან მოქალაქეთა რიგებია.
პრეზიდენტობისთვის სულ 5 კანდიდატი იბრძვის. წინასწარი გამოკითხვების მიხედვით, გამარჯვების ყველაზე მეტი შანსი, დემოკრატიული პარტიის წარმომადგენელს მუნ ჩჟე ინის აქვს, რომელსაც მოქალაქეთა 42,4 პროცენტი უჭერს მხარს. 18.6 პროცენტით, მეორე-მესამე ადგილზე ცენტრისტული სახალხო და კონსერვატიული პარტიის წარმომადგენლები არიან. ვადამდელი საპრეზიდენტო არჩევნები ქვეყანაში ყოფილი პრეზიდენტის, პაკ კინ ხესთვის იმპიჩმენტის გამოცხადების შემდეგ დაინიშნა. ექსპრეზიდენტს კორუფციულ გარიგებებსა და ძალაუფლების გადამეტებაში ედება ბრალი. მის წინააღმდეგ სასამართლო პროცესი მიმდინარეობს. საარჩევნო უბნები სამხრეთ კორეაში, ადგილობრივი დროით 20 საათზე დაიხურება.
ოფიციალური შედეგები ოთხშაბათს გახდება ცნობილი, რის შემდეგაც ახალარჩეული პრეზიდენტი ფიცს დადებს.