ისევ მწვავე პოლიტიკური განცხადებების ფონზე ჩაიარა საკონსტიტუციო ცვლილებების საჯარო განხილვამ. პროექტი ამჯერად ზუგდიდის ახალგაზრდულ ცენტრში შეკრებილებს გააცნეს.
კვლავ კრიტიკული ტონი ჰქონდა პრეზიდენტს. გიორგი მარგველაშვილის თქმით, შეთავაზებული პროექტით პრეზიდენტი, როგორც ქვეყნის მთავარსარდალი, უფუნქციოდ რჩება.
ოპოზიციის მსგავსად, სახელმწიფოს მეთაურს შენიშვნები აქვს შეთავაზებული საარჩევნო სისტემის მიმართაც.
პროტესტის მიზეზია პრეზიდენტის არაპირდაპირი არჩევის წესი, საარჩევნო ბარიერის შენარჩუნება, ბლოკების აკრძალვა და გადაუნაწილებელი მანდატების განაწილების წესი.
სადავო ცვლილებებს საკონსტიტუციო კომისიის თავმჯდომარე საპარლამენტო მმართველობის დახვეწის და პარტიული სისტემის განვითარების არგუმენტებით ხსნის.