საქართველოს პრემიერის ვიზიტის ყველაზე მნიშვნელოვანი მოვლენა ამერიკის შეერთებული შტატების პრეზიდენტთან შეხვედრაა. ინაუგურაციიდან თითქმის ოთხ თვეში დონალდ ტრამპმა გიორგი კვირიკაშვილი სამუშაო კაბინეტში მიიღო.
თეთრი სახლის ლიდერმა ჩვენი ქვეყნის ტერიტორიულ მთლიანობას მხარდაჭერა გამოუცხადა და ხაზი გაუსვა, რომ საქართველო ამერიკისთვის მნიშვნელოვანი ქვეყანაა, რომელთანაც სტრატეგიული პარტნირობა აკავშირებს. საუბრის ბოლოს პრემიერ-მინისტრმა ტრამპი საქართველოში მოიწვია.
პრეზიდენტთან აუდიენციამდე გიორგი კვირიკაშვილი ვიცე-პრეზიდენტს შეხვდა, რა დროსაც მხარეები სტრატეგიული პარტნიორობის გაღრმავებაზე შეთანხმდნენ.
თეთრი სახლიდან დელეგაციამ სენატში გადაინაცვლა, სადაც სენატორებმა საქართველოს მხარდამჭერი გზავნილები გააჟღერეს და რუსეთის საოკუპაციო პოლიტიკა, ასევე საოკუპაციო ხაზთან აღმართული ხელოვნური ბარიერები მკაცრად დაგმეს.