შეერთებული შტატების პრეზიდენტის, დონალდ ტრამპის ოჯახი, ჩინელი ინვესტორების მოზიდვის დროს, სკანდალში გაეხვა.
გასულ უქმეებზე, კუშნერის კომპანიის პროექტების დასაფინანსებლად, ჩინეთში გამართულ საინვესტიციო ფორუმზე პრეზიდენტის სიძის დამ, ინვესტორების დასაინტერესებლად, თავისი ძმის, ჯარედ კუშნერის და დონალდ ტრამპის სახელები გამოიყენა, რაც კრიტიკოსებს დაუშვებლად მიაჩნიათ.
კუშნერის კომპანიამ ბოდიში უკვე მოიხადა და განაცხადა, რომ - დის სიტყვები საზოგადოებამ არასწორად გაიგო, რადგან მან მხოლოდ იმიტომ ახსენა ძმა, რათა ჯარედის კომპანიიდან წასვლისთვის გაესვა ხაზი, რომ მას საერთო არაფერი აქვს არსებულ კომპანიასთან.
ტრამპის სიძე, ჯარედ კუშნერი იმავდროულად პრეზიდენტის უფროსი მრჩეველიცაა და ინტერესთა კონფლიქტის გამო, მან საკუთარი კომპანიის ხელმძღვანელის პოსტი დატოვა.